Azərbaycanda daha 3 turizm şirkətinə lisenziya verilib

Bakı. 1 sentyabr. REPORT.AZ/ Mədəniyyət və Turizm Nazirliyi avqust ayı ərzində bir sıra şirkətlərə turizm fəaliyyəti ilə məşğul olmaq üçün xüsusi razılıq (lisenziya) verib.

"Report"un nazirliyə istinadən verdiyi xəbərə görə, bu "Butterfly Travel" MMC (Bakı şəhəri, Nərimanov rayonu), "Natali Travel" MMC (Bakı şəhəri, Nərimanov rayonu), "Express-TTS" MMC-dir (Gəncə şəhəri).

Qeyd edək ki, bununla da ölkə ərazisində lisenziya əsasında fəaliyyət göstərən turizm şirkətlərinin sayı 284-ə çatıb.