Bakı. 19 fevral. REPORT.AZ/ Məşhur rusiyalı müğənni Zemfira qastrol səfərlərinə son qoyduğunu elan edib.
"Report" "Lenta.ru"ya istinadən xəbər verir ki, fevralın 18-də Nijni Novqoroddakı konsertdə Zemfira sonuncu dəfə qastrol turuna çıxdığını elan edib. O, bu fikrinin səbəbini açıqlamayıb.
Qeyd edək ki, "balaca adam" adlı tur fevralın 4-də Omskda başlayıb. Ardından Zemfira Novosibirsk, Xabarovsk, Vladivostok, Yekaterinburq və Çelyabinskdə çıxış edib. Qastrol turu aprelin 1-də Moskvada "Olimpiyski" idman kompleksində böyük konsert proqramı ilə başa çatacaq.