Maykl Ceksonun həyatından bəhs edən film 2025-ci ildə ekranlara çıxacaq

Müğənni Maykl Cekson haqqında bioqrafiya filmi 18 aprel 2025-ci ildə kinoteatrlarda nümayiş olunacaq.

“Report” xəbər verir ki, bu barədə “Variety” jurnalı məlumat yayıb.

Nəşrin məlumatına görə, “Maykl” filminin çəkilişləri yanvarın 22-də başlayacaq. Müğənninin rolunu onun qardaşı oğlu Cəfər Cekson ifa edəcək.

Bioqrafiyanı “Kral Artur”, “Təlim günü”, “Silahçı”, “Solaxay” və “Ekvalayzer” filmlərinin rejissoru Antuan Fukua çəkəcək.