Bakı. 5 fevral. REPORT.AZ/ "Ailə, Qadın və Uşaq Problemləri üzrə Dövlət Komitəsinə son on ildə 30 minə yaxın müraciət, 7 796 şikayət daxil olub. Şikayətlərdən 2 107-si məhkəmə qərarlarının icra olunmaması, 1 593-ü məişət zorakılığı, 1 284-ü inzibati orqanların fəaliyyəti ilə bağlı olub". "Report" xəbər verir ki, bunu Dövlət Komitəsinin şöbə müdiri Taliyyə İbrahimova deyib.
Şöbə müdiri bildirib ki, bu gün Azərbaycanda alimentlə bağlı məhkəmə qərarlarının icrasında ciddi problemlər var: "Dövlət Komitəsinə alimentlə bağlı məhkəmə qərarlarının icrasında yaranan problemlərlə bağlı daha çox müraciət daxil olur. İkinci sırada isə məişət zorakılığı ilə bağlı müraciətlər gəlir".