Cəlilabad prokurorluğunun yeni inşa olunmuş inzibati binasının açılışı olub

Bakı. 1 oktyabr. REPORT.AZ/ Cəlilabad Rayon Prokurorluğunun yeni inşa olunmuş inzibati binasının açılışı olub. “Report”un məlumatına görə binanın açılışında iştirak edən baş prokurorun müavini Namiq Əsgərova məlumat verilib ki, bina ikimərtəbəli orijinal layihə əsasında inşa olunub, binanın foyesində ulu öndər Heydər Əliyevin və dövlətin prokurorluq orqanlarına qayğısını əks etdirən fotogüşə yaradılıb, bütün otaqlar kompüter və digər zəruri texniki avadanlıqlarla təchiz edilib.

Baş prokurorun müavini Namiq Əsgərov 1 oktyabr - Prokurorluq işçilərinin peşə bayramı münasibətilə rayon prokurorluğunun kollektivini təbrik edib.

Tədbirdə Cəlilabad rayon prokuroru Tariyel Ələkbərov da çıxış edib.