Bakı. 15 mart. REPORT.AZ/ Azərbaycanda Novruz bayramı münasibətilə elan olunmuş qeyri-iş günlərində Dənizkənarı Milli Parkın ərazisində pulsuz atraksion aksiyası keçirilməyəcək.
Bu barədə "Report"a Nazirlər Kabineti yanında Dənizkənarı Bulvar İdarəsinin rəis müavini Nazim Məcidov məlumat verib.
O bildirib ki, parkın ərazisində bayram münasibətilə dövlət səviyyəsində keçiriləcək tədbir martın 19-u səhər saat 10:00-dan başlayacaq və gecə saatlarına qədər davam edəcək.
N.Məcidov onu da əlavə edib ki, sonrakı günlərdə xüsusi tədbirlər keçirilməsə də, tətil günlərinin sonuna kimi bulvar ərazsində bayram əhval-ruhiyyəsi hökm sürəcək.