Bakı. 23 sentyabr. REPORT.AZ/ Gənclər və idman naziri Azad Rəhimov sentyabrın 29-da Sumqayıt şəhərində vətəndaşları qəbul edəcək. Nazirlikdən "Report"a verilən xəbərə görə, qəbulda Sumqayıt şəhər, Abşeron, Qobustan, Şamaxı və Xızı rayon sakinləri iştirak edəcəklər.
Qəbul saat 11:00-da Sumqayıt Tarixi Muzeyində (Sumqayıt şəh, Heydər Əliyev prospekti, 4-cü mikrarayon) başlanacaq. Qəbul üçün vətəndaşların qeydiyyatı sentyabrın 24-dən sentyabrın 28-dək saat 09:00-dan 18:00-dək aparılacaq.