Bakı. 25 noyabr. REPORT.AZ/ İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən istehlak bazarında monitorinqlər davam etdirilir.
"Report" İqtisadiyyat və Sənaye Nazirliyinə istinadən xəbər verir ki, Dövlət Xidməti tərəfindən aparılan növbəti monitorinqlər zamanı Sumqayıt, Bakı (Suraxanı, Yasamal rayonları), Kürdəmir, Gəncə, İsmayıllı, Masallı, Qax, Balakən şəhərlərində və Ağdam rayonunda istifadə müddəti ötmüş, keyfiyyətsiz malların satışı halları aşkar edilib.
Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq tədbirlər görülür.