İsveçrənin "Sika" şirkəti Azərbaycana sərmayə yatırmaq niyyətindədir

Bakı. 10 mart. REPORT. AZ/ İsveçrənin "Sika" şirkəti Sumqayıt Kimya Sənaye Parkının rezidenti statusunu almaq istəyir. "Report" xəbər verir ki, bu barədə bu gün Bakıda keçirilən Azərbaycan hökuməti və İsveçrə Federal Şurası arasında ticarət və iqtisadi əməkdaşlıq üzrə birgə komissiyanın VII iclası zamanı bildirilib. 

"Sika" şirkəti tikinti qarışıqlarının istehsalı ilə məşğul olmaq niyyətindədir. Şirkət ilkin olaraq 5 mln. dollar həcmində sərmayə yatırmağı planlaşdırır.

"Sika" İsveçrədə tikinti sahəsində fəaliyyət göstərir, tikinti qarışıqları sektoru üzrə ixtisaslaşıb.