Bakıda uçan univermağın dağıntıları altından çıxarılan şəxslərin adları açıqlanıb

Bakı. 26 yanvar. REPORT.AZ/ Bakıda dam örtüyü uçan univermağın dağıntıları altından çıxan şəxslərin adları açıqlanıb. Yaralıların aparıldığı 3 saylı Şəhər Klinik Xəstəxanasından "Report"a bildirilib ki, bunlar Elşad Abdullayev və Bəhruz Məmmədovdur. Onların hər ikisinə çanağın əzilməsi diaqnozu qoyulub və hazırda xəstəxanadadırlar.  

Qeyd edək ki, hadisə Suraxanı rayonu ərazisində yerləşən köhnə univermaqda baş verib. Belə ki, yağan qar nəticəsində univermağın dam örtüyü ağırlığa tab gətirməyərək çöküb.