Bakı. 14 may. REPORT.AZ/ Azərbaycan Tibb Universitetində (ATU) 539 nəfər rezident təhsil alır. "Report" xəbər verir ki, onlardan 202-si I kursda, 141-i II kursda, 103-ü III kursda, 93-ü isə IV kursda oxuyur.
Hazırda Azərbaycan Tibb Universiteti üzrə 74 nəfər rezident Türkiyənin Erciyes, Hacitepe, 19 Mayıs, İstanbul, Ankara və digər universitetlərində, Almaniyada, Norveçdə, İsveçdə və Fransada 3-6 ay müddətində rotasiya keçirlər.
Bu il respublikada təhsil müddəti 2 və 3 il olan 15 ixtisas üzrə 93 nəfər rezident məzun olub. Onlardan 34 nəfəri ATU məzunlarıdır. Digər bazalardan indiyədək 154 nəfər rezident müxtəlif ixtisaslar üzrə ATU-nun klinikalarında rotasiyada olublar.
Azərbaycanda 1120 nəfər rezident təhsil alır.