Bakı. 6 iyun . REPORT.AZ/ İran İnqilab Keşikçiləri Qvardiyasının bir polkovniki və 3 əsgəri Suriyada öldürülüb.
"Report" İran KİV-lərinə istinadən xəbər verir ki, qvardiyanın polkovniki Rza Rüstəmi-Müqəddəm Suriyanın Hələb əyalətində gedən döyüşlər nəticəsində öldürülüb.
O, İran-İraq müharibəsinin (1980-88) veteranlarından sayılır.
Əsgərlərdən ikisinin adı açıqlanıb: Qüdrət Abdiyani, Mürtəza Müseyyibzadə.
İnqilab Keşikçiləri Qvardiyasının komandanlarından Eynullah Təbrizinin sözlərinə görə, Suriyada 2012-ci ildən İranın 1200-ə yaxın hərbçisi həyatını itirib.