​Yerevanın simvolu söküləcək

Bakı.15 yanvar. REPORT.AZ/ Yerevan şəhər meriyasının qərarı ilə "Zvartnots" hava limanının binası söküləcək.

"Report" xəbər verir ki, bu haqda Ermənistan KİV-i məlumat yayıb.

Amma qərar Ermənistan Arxitektorlar İttifaqı və İctimai Şurasının etirazına səbəb olub.

Qeyd edək ki, "Zvartnots" hava limanı keçmiş SSRİ dövründə tikilib. 1980-ci ildə istifadəyə verilən hava limanı Ermənistanın, o cümlədən Yerevanın simvollarından biri sayılır.