Bakı. 29 iyul. REPORT.AZ/ Axşam saatlarında PKK-lı bir qrup terrorçu Cudi Dağı ətəklərində Qala Tank Batalyonuna minaatan və uzun lüləli silahlarla hücum edib.
"Report" "Anadolu"ya istinadən xəbər verir ki, hücum anında qarşılıq verən təhlükəsizlik qüvvələri ilə PKK-lı terrorçular arasında atışma olub.
Döyüşdə ağır yaralanan 1 hərbçi vertolyotla Şırnak hərbi hospitalına aparılıb.
Havanın qaranlıq olmasından istifadə edərək meşəyə qaçan terrorçuların yaxalanması üçün bölgədə havadan əməliyyata başlanılıb.