Bakı. 2 yanvar. REPORT.AZ/ Türkiyənin Diyarbakır vilayətində terrorçu Kürd Fəhlə Partiyasının (PKK) üzvləri ilə hərbçilər arasında baş verən silahlı insident nəticəsində 11 hərbçi yaralanıb.
"Report"un "Hurriyet" qəzetinə istinadən verdiyi xəbərə görə, döyüşlər əsasən Sur rayonunda qeydə alınıb.
Ərazidə bir çox ev minalandığı üçün hərbçilərin irəliləyişi yavaşlayıb.
Yaralı əsgərlər Diyarbakir Hərbi Xəstəxanasına çatdırılıb.