Türkiyənin cənub-şərqində terrorçu-snayper məhv edilib

Bakı. 11 fevral. REPORT.AZ/ Bu gün Türkiyənin Diyarbəkir əyalətinin Sur rayonunda terrorçu-snayper məhv edilib. "Report" xəbər verir ki, bu haqda Türkiyə KİV-i məlumat yayıb.

Məlumata görə, terrorçu PKK terror təşkilatına qarşı aparılan antirerror əməliyyatı zamanı eyni rayonda 4 polis əməkdaşı da yaralanıb.

Barikadaların kənarlaşdırılması, qazılmış xəndəklərin qapadılması və terrorçuların zərərsizləşdirilməsi üçün Sur rayonunda dekabrın 2-dən bəri tətbiq olunan küçələrə çıxma qadağası hələ də qüvvədə qalmaqdadır.