Bakı. 27 yanvar. REPORT.AZ/ Terrorçu Kürd Fəhlə Partiyasının (PKK) üzvləri Türkiyənin Diyarbakır vilayətinin Sur rayonunda yerləşən 5 ulduzlu hoteli qumbaraatanlardan atəşə tutublar.
"Report" Türkiyə mətbuatına istinadən xəbər verir ki, polis əməkdaşlarından ibarət snayper qrupunun adı açıqlanmayan hotel binasının damında yerləşdiyini anlayan terrorçular, silahlı hücum planı hazırlayıblar.
56 gündür davam edən hərbi əməliyyat zonasında yerləşən hotelin fəaliyyətinin dayandırılması mülki şəxslər arasında tələfatın qarşısını alıb. Bununla belə, hücum nəticəsində binada yanğın başlayıb. Bölgədə atışmalar davam edir.