Bakı. 25 sentyabr. REPORT.AZ/ Türkiyədə terror aktı baş verib.
"Report" "Anadolu" agentliyinə istinadən xəbər verir ki, hadisə Hakkari vilayətində qeydə alınıb. PKK terror təşkilatı üzvlərinin Hakkari-Çukurca magistral yoluna yerləşdirdiyi partlayıcı qurğu içində hərbçilərin olduğu avtomobil ərazidən keçərkən işə düşüb. Nəticədə partlayış baş verib.
Hadisə zamanı 3 əsgər yaralanıb.
Xəsarət alanlar təcili yardım maşınları ilə Hakkari Dövlət Xəstəxanasına yerləşdirilib.