​Türkiyədə məktəbdə partlayış olub, 5 şagird yaralanıb

Bakı. 22 yanvar. REPORT.AZ/ Türkiyənin Diyarbəkir əyalətinin Bağlar rayonundakı Çələbi Eser orta məktəbində şagirdlərin səhər toplantısı zamanı törədilən partlayış nəticəsində 5 məktəbli yaralanıb.

"Report" xəbər verir ki, bu haqda "Anadolu" agentliyi məlumat yayıb.

Məlumata görə, partlayış əldəqayırma qumbara ilə törədilib.

Hadisə ilə bağlı təhlükəsizlik və polis orqanları araşdırma aparır.