Türkiyədə jandarmeriya binasına hücum olub: 1 ölü, 2 yaralı var

Bakı. 1 avqust. REPORT.AZ/ Türkiyənin Tunceli vilayətində jandarmeriya binasına hücum olub. 

"Report" "Habertürk"ə istinadən xəbər verir ki, hadisə bu gün səhər saatlarında Hozat rayonunda baş verib. 

Avtomat silahlardan açılan atəş nəticəsində 1 mülki vətəndaş həlak olub, 2 hərbçi yaralanıb. Yaralı hərbçilər Tunceli Hərbi Xəstəxanasına aparılıblar. 

Hücumu PKK ilə üç silahlı sol təşkilatdan ibarət Xalqların Birləşmiş İnqilabçı Hərəkatı (HBDH) həyata keçirib. 

Terrorçuların zərərsizləşdirilməsi üçün qurudan və havadan əməliyyat başlayıb.