Bakı. 21 yanvar. REPORT.AZ/ Türkiyənin Şinak vilayətində terrorçu PKK təşkilatının daha 10 üzvü silahlı müqavimətdən imtina edərək polisə təslim olub.
"Report" "Hürriyet" qəzetinə istinadən xəbər verir ki, müqavimət göstərməyən terrorçular dinc həyata qayıdmaq istədiklərini bildiriblər.
Şirnak vilayətinin rəhbərliyi isə bildirib ki, 2013-cü ilin mart ayından bu günə kimi bölgədə silahlı mübarizədən əl çəkən PKK üzvlərinin sayı 1120 nəfəri ötüb.