Türkiyədə antiterror əməliyyatları zamanı 1050 nəfər saxlanılıb

Bakı. 27 iyul. REPORT.AZ/ Türkiyə Baş Nazirliyi "İŞİD", PKK və DHKP-C-yə qarşı həyata keçirilən antiterror əməliyyatları zamanı indiyədək 1050 nəfərin saxlanıldığını açıqlayıb.

"Report" "Anadolu"ya istinadən xəbər verir ki, Baş Nazirlikdən Türkiyə Cümhuriyyətinin milli təhlükəsizliyini, təhlükəsizlik qüvvələrini hədəf alan, mülki vətəndaşlarının dinclik və əmniyyətini təhdid edən "İŞİD, PKK və DHKP-C terror təşkilatlarına qarşı antiterror əməliyyatlarının ölkə daxilində və xaricində davam etdirildiyi bildirilib.