Türkiyə-Suriya sərhədində 887 nəfər saxlanılıb

Bakı. 15 sentyabr. REPORT.AZ/ Suriyadan Türkiyəyə qanunsuz yolla keçmək istəyən 857 nəfər saxlanılıb.

"Report" "Haberturk"ə istinadən xəbər verir ki, bu barədə Türkiyə Silahlı Qüvvələri Baş Qərargahı açıqlama yayıb.

Məlumata görə, ötən gecə daha 30 nəfər Türkiyədən Suriyaya keçməyə cəhd göstərib.

Ümumilikdə, sentyabrın 14-dən 15-nə keçən gecə Türkiyə-Suriya sərhədində 887 nəfər sərhədi pozmağa cəhd göstərərkən saxlanılıb.