​Türkiyə əhalisinin sayı açıqlanıb

Bakı. 28 yanvar. REPORT.AZ/ Türkiyə əhalisinin sayı son bir ildə 1 milyon 45 min 149 nəfər artaraq, 2015-ci ildə 78 milyon 741 min 53 nəfər olub.

"Report" Türkiyə KİV-inə istinadən xəbər verir ki, bu haqda ölkənin Statistika Qurumu məlumat yayıb.

Məlumata görə, əhalinin 50,2 faizini (39 milyon 511 min 191 nəfər) kişi, 49,8 faizini (39 milyon 229 min 862 nəfər) qadınlar təşkil edib.

Qeyd edək ki, 2014-cü ildə əhalinin sayı 77 milyon 695 min 904 nəfər olub.