​Terrorçu PKK-nın İstanbuldakı məsullarından biri tutulub

Bakı. 20 noyabr. REPORT.AZ/ İstanbulda keçirilən antiterror əməliyyatı nəticəsində terrorçu PKK-nın həmin şəhərdəki məsullarından biri - Vedat B. tutulub.

"Report" xəbər verir ki, bu haqda Türkiyə KİV-i məlumat yayıb.

Məlumata görə, onun evindən aşkarlanan rəqəmsal şifrəli qeydləri əsasında terrorçuların aksiya keçirən qruplarının yeri müəyyənləşdirilib.

Polisin bu gün səhər saatlarında keçirdiyi əməliyyat nəticəsində terrorçuluqda şübhəli bilinən 12 nəfər saxlanılıb.