​Tbilisidə yaşayış binasında partlayış baş verib, 4 nəfər ölüb

Bakı. 14 İyul. REPORT.AZ/ Gürcüstanın paytaxtı Tbilisidə çoxmərtəbəli yaşayış binasında baş verən partlayış nəticəsində 4 nəfər ölüb, 8 nəfər xəsarət alıb.

"Report" xəbər verir ki, bu barədə şəhər meri David Narmaniyə istinadən "Qruziya Online" məlumat yayıb.

İlkin məlumatlara görə, hadisənin baş verməsinə qaz sızması səbəb olub. Partlayış dalğası qonşuluqdakı bir neçə mənzilin divarını dağıdıb.

Hadisə yerində xilasetmə və fövqəladə hallar xidmətlərinin əməkdaşları işləyir.