Suriyada Türkiyəyə məxsus tank vurulub, 1 əsgər ölüb, 3-ü yaralanıb

Bakı. 27 avqust. REPORT.AZ/ Suriyanın şimalında yerləşən Cerablus şəhərində Türkiyə ordusuna məxsus tank vurulub.

"Report" "haberler.com" nəşrinə istinadən xəbər verir ki, raket hücumu nəticəsində bir türk əsgəri şəhid olub, daha 3-ü yaralanıb.

Türkiyə Silahlı Qüvvələri çərşənbə günü Suriyada "Fərat qalxanı" adlı əməliyyata başlayıb.

Raket YPG terrorçularının yerləşdiyi bölgədən atılıb.