Bakı. 27 yanvar. REPORT.AZ/ Rusiyaya səfər etmək istəyən Gürcüstan vətəndaşlarına verilən vizaların sayı 5 dəfə artıb.
"Report" Gürcüstan KİV-inə istinadən xəbər verir ki, bunu İsveçrənin Tbilisidəki səfirliyindən Rusiyanın Gürcüstanda maraqlarını müdafiə edən bölmənin rəhbəri Vadim Qorelov bildirib.
Onun sözlərinə görə, 2013-cü ildə Rusiyaya səfər etmək istəyən Gürcüstan vətəndaşlarına gün ərzində 70 viza verildiyi halda hazırda bu rəqəm 350-yə çatıb.
V.Qorelov deyib ki, viza ilə Rusiyaya getmək istəyənlərin sayı elə kəskin artmasa da, onların sırası daimi genişlənir.