Bakı.28 fevral. REPORT.AZ/ Rusiyanın Gümrüdəki hərbi bazasının müddətli əsgəri Valeri Permyakovun məhkəməsi Rusiya ərazisində keçirilə bilər.
"Report" Ermənistan KİV-inə istinadən xəbər verir ki, bunu Şimali Qafqaz Hərbi Dairə Məhkəməsinin sədri Mixail Ptitsın deyib.
Onun sözlərinə görə, hazırda Permyakov Gümrüdə psixoloq-psixiatr müayinəsindən keçir: "Hələ ki, məhkəmənin keçiriləcəyi yer dəqiqləşdirilməyib. Məhkəmə prosesi İrəvanda, yaxud Rostov-Donda keçirilə bilər. Məhkəmə işi Qafqaz Hərbi Dairə Məhkəməsindədir".
Xatırladaq ki, Rusiyanın Ermənistandakı 102 saylı hərbi bazasının əsgəri Valeri Permyakov bu il yanvarın 12-də Gümrüdə bir erməni ailəsinin 7 üzvünü qətlə yetirməkdə şübhəli bilinir.