Bakı. 12 avqust. REPORT.AZ/ Rusiya prezidenti Vladimir Putin Prezident Administrasiyasının rəhbəri Sergey İvanovu tutduğu vəzifədən azad edib.
"Report" Rusiya KİV-inə istinadən xəbər verir ki, bu posta Anton Vayno təyin edilib. O, daha əvvəl Prezident Administrasiyasının rəhbərinin müavini vəzifəsində çalışıb.
V.Putin S.İvanovu Rusiya prezidentinin ətraf mühitin qorunması, ekologiya və nəqliyyat məsələləri üzrə xüsusi nümayəndəsi təyin edib.