QUAM: Ukraynanın şərqində keçirilən "seçkilər" qanunsuzdur

Bakı. 7 noyabr. REPORT.AZ/ GUAM noyabr ayının 2-də Şərqi Ukraynada keçirilən "seçkilərin" legitimliyini tanımır. "Report"un verdiyi xəbərə görə, bu barədə təşkilatın rəsmi saytında yayılan bəyanatda deyilir. 

GUAM-ın bəyanatında qeyd olunub ki, "seçkilər" qanunsuzdur və proses Ukraynanın Konstitusiyası və milli qanunvericiliyin pozulması ilə keçirilib.

"Təşkilat Ukraynanın suveren dövlət kimi ərazi bütövlüyü və siyasi müstəqilliyinə hörmət etməyin fundamental əhəmiyyətini yenidən vurğulayır" - deyə, bəyanatda qeyd olunub. 

GUAM həmçinin beynəlxalq ictimaiyyəti Ukraynada böhranın siyasi həllinin tapılması üzrə səyləri gücləndirməyə çağırıb.