Bakı. 11 avqust . REPORT.AZ/ Qırğızıstanda şagirdlərin məktəbə hicabla getməsi qadağan edilib.
"Report" Qırğızıstan KİV-inə istinadən xəbər verir ki, bunu ölkənin təhsil naziri Elvira Sarıyeva bildirib.
"Baş nazir aydın şəkildə bəyan edib ki, dünyəvi dövlət dünyəvi qanun-qaydalarla idarə olunmalıdır, ancaq dini baxışlara da hörmət edilməlidir. Məktəb çərçivəsində standart məktəbli forması təsdiqlənib. Biz hesab edirik ki, şagirdlər bu qaydaya əməl etməlidir", - E.Sarıyeva vurğulayıb.
Onun sözlərinə görə, Qırğızıstan müftisi və Dini Məsələlər üzrə Dövlət Komissiyasının təmsilçisi də məktəblərdə hicabın geyinilməsinin qəbuledilməzliyini bildiriblər.