​Obama Türkiyənin Rusiya ilə münasibətləri normallaşdırmaq cəhdlərini yüksək qiymətləndirib

Bakı. 30 iyun. REPORT.AZ/ ABŞ prezidenti Barak Obama Türkiyə hökumətinin Rusiya ilə münasibətlərdə gərginliyin azaldılması istiqamətində atdığı addımları yüksək qiymətləndirib.

"Report" xəbər verir ki, bu barədə çərşənbə günü Amerika liderinin Türkiyə prezidenti Rəcəb Tayyib Ərdoğan ilə telefon söhbətinin yekununda Ağ ev məlumat verib.

"Prezident Ərdoğanın və onun hökumətinin İsrail ilə münasibətlərin normallaşdırılmasına dair razılığın əldə olunması və Rusiya ilə münasibətlərdə gərginliyin azaldılması istiqamətində atdığı addımları yüksək qiymətləndirib", — deyə məlumatda bildirilir.