Obama Ərdoğana baş sağlığı verib

Bakı. 19 fevral. REPORT.AZ/ ABŞ prezidenti Barak Obama Ankarada baş verən terror aktı ilə əlaqədar Türkiyə prezidenti Rəcəb Tayyib Ərdoğana zəng edib.

"Report"un Türkiyə mətbuatına istinadən xəbər verir ki, 1 saat 20 dəqiqə davam danışıq zamanı Obama Türkiyənin yanında olduqlarını bildirib.

"Ankarada baş verən şiddətli terroru qınayırıq. Türkiyənin yanındayıq, xalqın faciəsini paylaşırıq", - Obama vurğulayıb.

ABŞ prezidenti bildirib ki, Türkiyə özünümüdafiə hüququna malikdir, ABŞ isə NATO üzrə tərəfdaşına dəstək verəcək.

İki ölkə liderinin Suriyada baş verən hadisələri də müzakirə etdiyi qeyd olunur.