Bakı. 9 iyul. REPORT.AZ/ Qara dənizdə Bolqarıstanın komandanlığı altında NATO-nun "Breeze" adlı hərbi-dəniz təlimi keçiriləcək.
"Report" Gürcüstan KİV-inə istinadən xəbər verir ki, bu haqda ABŞ Həbri Dəniz Qüvvələrinin 6-cı Donanması məlumat yayıb.
Təlimdə "USS Porter (DDG 78)" raketdaşıyıcı gəmi də iştirak edəcək.
Alyansa üzv olan dövlətlərin Hərbi Dəniz Qüvvələri "Breeze"-də döyüş tapşırıqlarını yerinə yetirəcəklər.
Təlimə ABŞ, Bolqarıstan, Türkiyə, Rumıniya, Yunanıstan və NATO daimi qrupunun hərbçiləri cəlb olunacaq. Məlumata görə, tədbir 3 gün davam edəcək.