MHP parlament sədrliyinə namizədini açıqlayıb

Bakı. 24 iyun. REPORT.AZ/ Müxalif Milliyyətçi Hərəkat Partiyası (MHP) Ekmələddin İhsanoğlunun Türkiyə Böyük Millət Məclisi sədrliyinə namizədliyini irəli sürüb.

"Report" xəbər verir ki, bu haqda Türkiyə KİV-i məlumat yayıb.

Ekmələddin İhsanoğlu namizədliklə bağlı ərizəsini parlament rəhbərliyinə təqdim edib.

Qeyd edək ki, o, 2014-cü ilin avqustunda keçirilən prezident seçkisində müxalifəti təmsil edən Cümhuriyyət Xalq və Milliyyətçi Hərəkat partiyalarının vahid namizədi olmuşdu.