Bakı. 26 aprel. REPORT.AZ/ Rusiyanın ilhaq etdiyi Krım yarımadasındakı məhkəmə Krım-Tatar Məclisini "ekstremist" təşkilat elan edərək, onun Rusiya ərazisində fəaliyyətinin qadağan olunması haqda qərar çıxarıb.
"Report" xəbər verir ki, bu barədə "RİA Novosti" məlumat yayıb.
Rusiyanın Ədliyyə Nazirliyi də Krım-Tatar Məclisini fəaliyyəti federasiya ərazisində qadağan olunan "ekstremist" təşkilatlar siyahısına daxil edib.
Qeyd edək ki, bu ilin fevralında ilhaq edilən Krımın prokuroru Natalya Polonskaya təşkilatın "anti-Rusiya" istiqmətində fəaliyyət göstərdiyi haqda iddia qaldımışdı. O, Məclisin rəhbərləri Mustafa Cəmilev və Refat Çubarovun da anti-Rusiya fəaliyyətindən narahatlığını bildirmişdi.
Məclis Krım tatarlarının səlahiyyətli təşkilatıdır. Təşkilatın liderləri Mistafa Cemilev və Refat Çubarov yarımadanın Rusiya tərəfindən ilhaqına qarşı çıxış edirlər.