Bakı. 3 fevral. REPORT.AZ/ Türkiyənin Adana şəhəri yaxınlığında ABŞ Hərbi Hava Qüvvələrinə aid olduğu ehtimal edilən pilotsuz uçan aparat qəzaya uğrayıb.
"Report" "Habertürk"ə istinadən xəbər verir ki, pilotsuz uçan aparatın qəzaya uğradığı yer Adana şəhərindən 15 km aralıda yerləşən Doğakənd rayonundakı kənd təsərrüfatı sahələrindən biri olub.
Məlumata görə, polis aparatın düşdüyü yeri tamamilə nəzarətə götürüb. "İncirlik" aviabazasından hadisə yerinə hərbi ekspertlər gəlib.
Hadisəylə bağlı rəsmi şəxslərdən hələlik heç bir açıqlama daxil olmayıb.