Bakı. 12 mart. REPORT.AZ/ Kazanda "Admiral" ticarət mərkəzində yanğın zamanı ölənlərin sayı 5-ə çatıb. Bu barədə "Report" "TASS"a istinadən xəbər verir.
"Hazırda ölənlərin sayı 5 nəfərdir", - agentliyin mənbəyi bildirib.
Xəsarət alanların sayı 55 nəfər olub.
Ölən və yaralananlar arasında MDB ölkələrindən olan vətəndaşlar da var. "Ölənlərdən 2 nəfəri Tacikistan vətəndaşlarıdır", - məlumatda deyilir. Daha bir neçə zərərçəkən şəxsin vətəndaşlığı müəyyənləşdirilir.
Kazanda "Admiral" ticarət mərkəzində yanğın dünən binanın birinci mərtəbəsində yerləşən kafedə baş verib. Cəmi TM-dən 650 nəfər təxliyyə olunub. Yanğın nəticəsində ticarət mərkəzinin konstruksiyaları qismən dağılıb.