Bakı. 3 may. REPORT.AZ/ İstanbulun 32 rayonunda 266 ünvanda eyni gündə dərman saxtakarlarına qarşı əməliyyat keçirilib.
"Report" xəbər verir ki, bu haqda Türkiyə KİV-i məlumat yayıb.
Məlumata görə, tutulanlar arasında Diclə Universitetinin professoru da daxil olmaqla əczaçılar və həkimlər də var. Tutulanların sayı yüz nəfəri keçib.
Əməliyyat keçirilən ünvanlarda düzəldilən saxta dərmanlar Suriya və İraqa göndərilirmiş. Həmin dərmanları terrorçu PKK qazanc əldə etmək məqsədi ilə Suriya və İraqda xərçəng də daxil olmaqla çətin müalicə olunan xəstəliklərdən əziyyət çəkənlərə satırmışlar.