İraqda köçkünlərin sayı 3 milyonu ötüb

Bakı. 17 oktyabr. REPORT.AZ/ İraqda ölkə daxilindəki köçkünlərin sayı 3 milyon 206 min 736 nəfərə çatıb. "Report" xarici mətbuata istinadən xəbər verir ki, bu barədə Beynəlxalq Miqrasiya Təşkilatı açıqlama yayıb.

Məlumatda qeyd olunub ki, ötən ilin yanvar ayından bu ilin sentyabr ayına qədər olan müddətdə ölkə daxilində daha təhlükəsiz yerlərə köç edənlərin sayı 3 milyonu keçib.

Qaçqınların ən çox məskunlaşdığı ərazilər Ənbar (18%) və Bağdaddır (13%). Açıqlamada həmçinin 400 min iraqlı qaçqının yaşadıqları yerlərə geri döndüyü qeyd edilib.