İranın şimalında 12 silahlı zərərsizləşdirilib

Bakı. 7 sentyabr. REPORT.AZ/ İranın güc strukturları ölkənin şimal-qərbində 12 silahlını zərərsizləşdirib.

"Report"un məlumatına görə, bu barədə ölkənin Kəşfiyyat və Milli Təhlükəsizlik Nazirliyi məlumat yayıb. 

Nazirliyin məlumatına görə, Səudiyyə Ərəbistanından və digər ölkələrdən dəstək alan silahlılar İran ərazisində müxtəlif düşmənçilik aktları törətməyi planlaşdırırmış.

Bildirilir ki, zərərsizləşdirilmiş silahlılardan atıcı silahlar götürülüb.