İranın iki neft şirkəti sanksiyalardan azad edilib

İranın iki neft şirkəti sanksiyalardan azad edilib “Petropars Əməliyyat və İdarəçilik” və “Petropars Ehtiyatların Mühəndisliyi” şirkətləri sanksiyalardan azaddır
Region
2 Avqust , 2015 15:35
İranın iki neft şirkəti sanksiyalardan azad edilib

Bakı. 2 avqust. REPORT.AZ/ Avropa İttifaqı İranın iki neft şirkətinə qarşı tətbiq etdiyi sanksiyaları aradan qaldırıb.

"Report"un AZƏRTAC-a istinadən verdiyi xəbərə görə, İran İslam Respublikası ilə Qərb dövlətləri arasında nüvə proqramına dair əldə olunan razılaşmadan sonra neft sahəsində çalışan şirkətlərə qarşı sanksiyaların ləğv edilməsi qərara alınıb.

İranın “Petropars Əməliyyat və İdarəçilik” və “Petropars Ehtiyatların Mühəndisliyi” şirkətləri artıq beynəlxalq səviyyədə fəaliyyət göstərmək imkanına malikdirlər.

Avropa İttifaqı Avropa Şurasının tövsiyəsini nəzərə alaraq sözügedən şirkətləri sanksiya tətbiq edilən şirkətlərin siyahısından çıxarıb.

Qurumun bəyanatında bildirilir ki, bu addım İranın nüvə proqramına dair əldə olunan razılaşmaya əsasən atılıb.

Son xəbərlər

Orphus sistemi