Bakı. 26 yanvar. REPORT.AZ/ İranın atom-nüvə problemi üzrə "altılıq" (ABŞ, Almaniya, Britaniya, Fransa, Rusiya və Çin) ölkələrinin təmsilçiləri ilə İslam Respublikasının nümayəndəsi arasında danışıqların növbəti mərhələsi yanvarın 29-da İstanbulda keçiriləcək.
"Report" Rusiya KİV-inə istinadən xəbər verir ki, bunu İran xarici işlər nazirinin müavini Abbas Araqçi bildirib.
Xatırladaq ki, o, ötən gün Sürixdə ABŞ və Avropa İttifaqının təmsilçiləri ilə görüşüb. İranlı diplomat bu danışıqların "dolaşıq" deyil, "konstruktiv" keçdiyini bildirib.