İran XİN başçısının müavini məsləhətləşmək üçün Moskvaya gedib

Bakı. 27 yanvar. REPORT.AZ/ İranın xarici işlər nazirinin müavini Hüseyn Əmir Abdullahian Moskvaya səfər edib.

"Report" "RİA Novosti"yə istinadən xəbər verir ki, bu haqda İranın Rusiyadakı səfirliyinin mətbuat xidməti məlumat yayıb.

"İranın xarici işlər nazirinin müavini Əmir Abdullahian Cenevrədə keçiriləcək Suriya ilə bağlı danışıqlardan öncə Moskvaya səfər edib. Səfərin məqsədi bir sıra məsələlərlə bağlı məsləhətləşmələr aparmaqdır", - deyə mətbuat xidmətindən bildirilib.