​İran "Pokemon Go" oyununu qadağan edib

Bakı. 5 avqust. REPORT.AZ/ İran dünya dövlətləri arasında ilk dəfə olaraq smartfonlar üçün nəzərdə tutulmuş məşhur "Pokemon Go" oyununu qadağan edib.

"Report" BBC-yə istinadən xəbər verir ki, bu addım təhlükəsizlik məqsədi ilə atılıb.

Qadağanın daha detallı səbəbi açıqlanmır. Qərar İslam Respublikasının Virtual Məkan Ali Şurası tərəfindən qəbul olunub.

"Pokemon Go" rəqəmsal və real dünyanı özündə birləşdirən pulsuz oyundur.