Gürcüstanda Türkiyə bayrağı altında üzən gəmi saxlanılıb

Bakı. 4 may. REPORT.AZ/ Gürcüstan Daxili İşlər Nazirliyinin sahil-mühafizə xidmətinin əməkdaşları Türkiyə bayrağı altında üzən "Megit Kaptan" gəmisinin kapitanını cərimələyiblər. 

"Report"un "RİA Novosti"yə istinadən verdiyi xəbərə görə, bu barədə Gürcüstan DİN məlumat yayıb. 

Saxlanılan kapitana qarşı İnzibati Məcəllənin 114.1 maddəsi (sərhəd sularına dair qanunvericiliyi və ya Gürcüstanın xüsusi iqtisadi zonasını pozmaq) üzrə ittiham irəli sürülüb. Gəmi kapitanı dənizə yalnız 50 min lari ödədikdən sonra çıxa bilər.