​Gürcüstan parlamentinin sədri Aİ-nin komissarı ilə Cənubi Qafqazdakı vəziyyəti müzakirə edib

Bakı. 10 noyabr. REPORT.AZ/ Gürcüstan parlamentinin sədri David Usupaşvili Tbilisidə Avropa İttifaqının (Aİ) təhlükəsizlik və xarici siyasi məsələlər üzrə komissarı Federika Mogerinin ilə görüşüb.

"Report" xəbər verir ki, bu haqda Gürcüstan KİV-i məlumat yayıb.

David Usupaşvili deyib ki, görüş zamanı Gürcüstan-Aİ münasibətlərinə dair əhatəli danışıq aparılıb, viza rejiminin liberallaşdırılması müzakirə olunub.

Parlament sədrinin sözlərinə görə, tərəflər beynəlxalq və regional təhlükəsizliyə dair məsələləri, Cənubi Qafqazdakı vəziyyəti də müzakirə ediblər.