​Gürcüstan DİN-i SOCAR-ın Tbilisidə fəaliyyət göstərən yanacaqdoldurma məntəqəsinə edilən hücumu "isti izlər"lə açıb

Bakı. 24 mart. REPORT.AZ/ Gürcüstan DİN-i SOCAR-ın Tbilisidə fəaliyyət göstərən yanacaqdoldurma məntəqəsinə edilən hücuma dair qaldırılmış cinayət işini "isti izlər"lə açıb.

"Report"un "Novosti-Qruziya"ya istinadən verdiyi xəbərə görə, iş üzrə bir neçə nəfərə bədən xəsarəti yetirməkdə şübhəli bilinən, əvvəllər məhkum edilmiş Zurab U. saxlanılıb.

Qeyd edək ki, SOCAR-ın Tbilisidə fəaliyyət göstərən yanacaqdoldurma məntəqəsinə edilən hücum nəticəsində iki nəfər xəsarət alıb.

Nazilriyin verdiyi məlumatda qeyd edilir ki, hüquq-mühafizə orqanlarının keçirdiri əməliyyat-axtarış tədbirləri nəticəsində saxlanılan 1993-cü il təvəllüdlü Zurab U. bu il martın 23-də Quramişvili prospektində fəaliyyət göstərən SOCAR-ın yanacaqdoldurma məntəqəsinə basqın edib. Cinayətkar orada operator işləyən 1991-ci il təvəllüdlü Zurab A. və menecer kimi çalışan 1983 cü ildə anadan olmuş Cəfəri A.-nı soyuq silahla ayaqlarından yaralayaraq hadisə yerini tərk edib.

Polis Zurab U.-nu hadisədən bir neçə dəqiqə sonra Quramışvili prospektində yaxalayıb. Maddi sübut kimi ondan biçaq müsadirə edilib.

İş üzrə Gürcüstan CM 118-ci maddəsi ilə (qəsdən bədən xəsarəti yetirmək) cinayət işi açılıb. Saxlanılan günahını boynuna alıb.