Bakı. 22 dekabr. REPORT.AZ/ GUAM-ın İşçi Qrupunun kibertəhlükəsizlik üzrə birinci iclası keçirilib. "Report" GUAM-ın mətbuat xidmətinə istinadən xəbər verir ki, Kiyevdəki GUAM Katibliyində keçirilən iclasda təşkilatın bütün üzv dövlətlərinin nümayəndələri iştirak edib.
İştirakçılar kibertəhlükəsizlik ilə bağlı bir sıra məsələləri, xüsusilə milli qanunvericilik, operativ vəziyyət, eləcə də həmin sahədə informasiya mübadiləsi ilə bağlı məsələləri müzakirə ediblər.
İşçi Qrupun növbəti iclası 2015-ci ilin aprel ayında Kiyevdə keçiriləcək.